Anudari

Хиймэл оюун, үйлдвэрлэлийн технологи, худалдаа, эдийн засгийн хамтын ажиллагааны асуудлыг хэлэлцэх Германы бизнесийн Ази, Номхон далайн бүсийн 19 дүгээр бага хурал Сөүл хотноо болж байна. Тус хуралд Герман болон Ази, Номхон далайн бүсийн улс орнуудын бизнес, улс төрийн салбарын 800 орчим төлөөлөгч оролцож, технологийн өөрчлөлт, шинэ нийлүүлэлтийн сүлжээ, эдийн засгийн түншлэлийн ирээдүйн талаар хэлэлцэж байна.

Молдав улсад болсон туршлага судлах хөтөлбөрт оролцох үеэр төрийн байгууллага, хэвлэл мэдээлэл, иргэний нийгмийн төлөөллүүдтэй уулзаж, сонгуулийн үеийн хуурамч мэдээлэл, гаднын мэдээллийн хортой нөлөөлөлтэй хэрхэн тэмцэж буй туршлагатай танилцлаа. Тус улсын хувьд Оросын мэдээллийн нөлөөлөл нь ардчилал, үндэсний аюулгүй байдалтай холбоотой томоохон сорилт болжээ. Үүний хариуд сэтгүүлчид эрэн сурвалжлагаар, иргэний нийгэм олон нийтийн боловсролоор, төр стратегийн харилцаа холбоо болон бодлогын түвшинд ажиллаж байна. Аяллын үеэр төр, иргэний нийгэм, хэвлэл мэдээллийн хамтын ажиллагаа, иргэдийг урьдчилан бэлтгэхэд чиглэсэн арга барил онцгой сэтгэгдэл төрүүлэв. Энэ аялал Молдавын тухай гэхээсээ илүү Монголын тухай эргэцүүлэхэд хүргэсэн бөгөөд хөгжил гэдэг нь зөвхөн эдийн засгийн үзүүлэлт бус, харин сорилтоо хүлээн зөвшөөрч, түүнийг даван туулахын төлөө хамтран ажиллах чадвар болохыг ойлгуулсан юм.