Цахим орчинд түгж буй хуурамч мэдээллийг баримтаар шалгаж, эх сурвалжаар баталгаажуулж, олон нийтэд бодит мэдээллийг хүргэсээр ирсэн Монголын баримт шалгах төв нь редакцын зарчмаар ажиллаж, нийтлэлийн бодлого, үйл ажиллагааны зохицуулалтын баримт бичгүүдээ мөрддөг. 

Үүний зэрэгцээ олон нийтэд хүргэж буй баримт шалгалтуудаа цэгцтэй, ойлгомжтой, хамгийн гол нь монгол хэлээр, монгол хүний хүлээн авах чадамжид тохиромжтойгоор бичиж сурах нь чухал байна. Иймээс тэд сар бүрийн эхний мягмар гарагт “Бичих чадвараа хэрхэн сайжруулах вэ” сургалт, дадлага хийж хэвшжээ.

Сургалтад илүү өргөн цар хүрээгээр мэдлэг олгохуйц монгол хэлний мэргэжилтэн, судлаачдыг урьж байна.